Qeveria shqiptare, dënon atentatet në Indi.

Edhe kryeministri Berisha dënoi sot ashpër aktin barbar të terroristëve në Mumbai, të Indisë, si pasojë e së cilit humbën jetën shumë qytetarë të pafajshëm dhe u plagosën qindra të tjerë. Sipas zyrës së shtypit të Kryeministrisë, Berisha bashkohet me dhimbjen e thellë të familjarëve të viktimave duke i shprehur atyre ngushëllimet më të sinqerta, si dhe i uron shërim të shpejtë të plagosurve. "Ky akt është një fakt tjetër që dëshmon se terrorizmi mbetet rreziku kryesor për jetën e njerëzve të lirë dhe se lufta me vendosmëri kundër tij është vendimtare për të fituar betejën kundër armikut aktual më të egër”, përfundon Berisha mesazhin e tij.