Vezë gjigante nga një pulë xhuxhe

Titulli: Vezë gjigante nga një pulë xhuxhe 9/2/2009, 00:01

Vezë gjigante nga një pulë xhuxhe

Lili i vogël, sikurse quhet kjo pulë, është më e vogla në grupin e saj, por megjithatë përherë bënë vezë shumë të mëdha. Në të vërtetë, ato arrijnë edhe deri 10 centimetra në diametër, që është dyfish më shumë se madhësia mesatare e një veze pule. Për pulën Lili kujdesen nxënësit e shkollës në Qendrën Raikes në qytetin anglez – Glostershir. Ata ankohen se nuk mund ta masin peshën e vezës, pasi secila prej tyre rregullisht i tejkalon 285 gram, maksimumi që mund të mat peshorja e shkollës. Nxënësit kohë më parë kishin një zbulim interesant. Në vezën e fundit që e bëri pula Lili, krahas të verdhës dhe të bardhës së vezës, gjetën edhe një vezë të plotë të formuar. Ndërkaq, pula e vogël filloi të bëjë vezë para tri muajve. Megjithatë, pula Lili duhet edhe pak që të ushtrojë nëse dëshiron që të hyjë në librin e Ginisit, pasi rekordin tashmë 112 vjet po e mban një pulë nga Anglia e cila bëri vezën e cila peshonte 320 gram.

» Pule me oriz tave
» Midhje te skuqura me veze
» Supe Orizi me veze dhe limon