Libër për lexim dhe lule për erë, të dyja në një

Titulli: Libër për lexim dhe lule për erë, të dyja në një 9/2/2009, 00:26

Libër për lexim dhe lule për erë, të dyja në një

Kjo u ofrohet vizitorëve në Muzeun e qytetit Omsk në Rusi, ku prej para ca kohësh është ekspozuar miniatura e vetme e librit të artistit rus Anatoli Konenko. Libri ka 28 faqe, që në realitet janë fletë të trëndafilave të ndryshëm.Për veprën e tij, romantiku i pa-përmirësueshëm Konenko i shfrytëzoi fletët e buqetave që më parë ia dhuroi bashkëshortes.
"Sa herë që i dhuroj dikujt trëndafil ose ndonjë lule tjetër të bukur, më vjen keq që lulja nuk mund të jetojë më gjatë. Kështu, më lindi ideja që një nga një t'i thajë gjethet sikurse faqe të librit", deklaroi Anatoli Konenko, artist.
Për ta shikuar çdo detaj të librit në miniaturë, vizitorët duhet ta shikojnë përmes mikroskopit. Ndërsa në faqet e luleve nuk përfundon edhe romantika.
"Kur libri tashmë është punuar nga trëndafilat, atëherë edhe vargjet në të duhet të jenë për trëndafilat. Andaj, i zgjodha të gjitha poemat e Pushkinit për këto lule dhe i futa në libër, kurse shtova edhe disa ilustrime të trëndafilave", shtoi Konenko.
Problemi kryesor për artistin ishte që të gjejë mënyrën se si ta shtyp tekstin në fletët e thara. Specialisti për libra në miniaturë, Konenko thotë se teknologjinë që e ka paramenduar mbetet një fshehtësi. Ndërkaq, dimensionet e librit të luleve janë vetëm 27 me 32 milimetra, por fletët janë mjaft elastike kështu që mund të shfletohen pa kurrfarë rreziku. Kështu, libri mbetet në muzeun e qytetit në Omsk në shoqërinë e librave të tjera në miniaturë të Konenkos me poema të Pushkinit.

» Nje Lule Mbi Varre - Nora Istrefi
» Proze nga Elvira Dones
» Bahtir Hamza