Makina “Bugati Atlant Kupe” në ankand në Paris

Titulli: Makina “Bugati Atlant Kupe” në ankand në Paris 9/2/2009, 00:31

Makina “Bugati Atlant Kupe” në ankand në Paris

Nesër në shtëpinë e ankandit “Bonhams” në Paris do të mbahet ankandi jo i përditshëm për adhuruesit e automobilave të vjetër.Oferta përfshinë modelet klasike të Rols-Rojseve, Ferrareve, Sitroenave, por edhe një ekzemplar i rrallë historik i të ashtuquajturit automobil – Bugati 57C Atlant Kupe. Ky automobil daton prej vitit 1937, kurse vlera e tij konsiderohet në rreth tre milionë dollarë.
“Konsiderojmë se çmimi do të jetë i arritshëm, kurse shpresojmë se edhe të tejkalojë, megjithatë bëhet fjalë për një automobil shumë origjinal. Prej gjithsej 17 makinave të prodhuara të këtij modeli, pjesa më e madhe ishin të restauruara, vetëm ky është në punimin origjinal”,. thotë Xhejms Najt, menaxhues i Shtëpisë Bonhams.
Automobili Bugati i takonte kontit Hov i cili në vitet e tridhjeta të shekullit të kaluar ishte i njohur për dashurinë e tij për vrapimet me automobila. Ishte i afërt me familjen Bugati, kështu që automobili i cili nesër do të shitet është prodhuar sipas shijes së tij. Më vonë ai i takoi një kirurgu anglez dhe prej viteve të 60-ta e deri më tash nuk ishte nxjerrë nga garazhi. Megjithatë që të mund ta vozit makinën, pronari i ri do të duhet që të bëjë remontin e tij të tërësishëm.

» A e dinit se... (Kuriozitete)
» Madonna nudo, rekord ne ankand ne SHBA
» Jackson, ne ankand edhe objektet personale