Intervista me kengetaren Soni Malaj

Titulli: Intervista me kengetaren Soni Malaj 8/12/2007, 17:06

Intervista me kengetaren Soni Malaj

Që Soni Malaj është në kohët e saj më të mira, kjo nuk është shumë e vështirë për t'u kuptuar. Klipe dhe këngë të suksesshme, që pasojnë njëra- tjetrën në kohë rekord. Paraqitje gjithnjë e më interesante, që e bëjnë të jetë një prej këngëtarëve më të pëlqyera në treg.
Dhe nuk mbaron me kaq. Bashkë me sukseset në jetën artistike, ajo po përjeton në këto kohë dhe një histori shumë të bukur dashurie. Është e dashuruar. Ajo ka rrëfyer gjithë ndryshimet që kanë ndodhur kohët e fundit. Ose më mirë të themi, që prej ditës kur do ta festonte 25-vjetorin e lindjes. Kur dhurata më e bukur që do të merrte ishte Flori

-Ende pa kaluar shumë kohë nga shfaqja e klipit të këngës "Do të vij", vjen në ekran një tjetër realizim, kryekëput ndryshe nga ai i pari. Kaq e thjeshtë është të bësh klipe?

Soni: Jo nuk është fare e thjeshtë, por unë tashmë jam mësuar me këtë lloj ritmi pune dhe nuk bëj dot ndryshe. Pasi kalojnë të paktën gjashtë muaj nga klipi i parë, unë mendoj se duhet të shfaqem patjetër me një klip të ri.

-Tani keni ardhur përsëri në ekran me një baladë tjetër. Kjo do të thotë se do të hiqni dorë nga këngët ritmike?

Soni: Sigurisht që jo. Kënga "Do të vij", që u realizua menjëherë pas baladës "Ndarja", ishte po aq ritmike sa të gjitha këngët e tjera. Tani kam ardhur përsëri me një baladë, thjesht sepse kam filluar të ndihem shumë mirë në këtë gjini. Kënga është pjesë e albumit tim të fundit "Mesdhe".

-Shumë emra për një album, çka do të thotë se këngët janë shumë të ndryshme nga njëra tjetra, apo jo?

Soni: Ky ishte qëllimi. Pastaj, unë gjithmonë, që kur vendosa të rishfaqem në skenë e vetme, pra jo më si pjesëtare e grupit "Spirit Voice", kam ecur përpara me idenë për të eksperimentuar në gjithçka, sepse vetëm kështu mund të paraqitem gjithmonë ndryshe. Ndërsa me vajzat e grupit ishim paraqitur gjithmonë me muzikën pop. Në daljet e mira të para do të kaloja
te turbo folku dhe muzika latine, që ishin më të preferuarat në ato kohë.

-A është Soni po kaq e kënaqur dhe me jetën e saj private?

Soni: Tani jam më e kënaqur se kurrë ndonjëherë. Është pikërisht kënaqësia dhe qetësia që po ndjej në këto kohë në jetën time private, që më ka dhënë më shumë energji për të punuar, për t'i bërë gjërat me më shumë pasion se dikur e për t'i parë gjërat me më shumë ngjyra.

-Po flet si vajzë e dashuruar marrëzisht...
Soni: Sepse jam vërtet e dashuruar.

Me Flori Mumajesin?

Soni: Ju e dini mjaft mirë tashmë, kot që më pyesni. E keni zbuluar dhe e keni shkruar vetëm pak kohë më parë. Mund të të them vetëm se Flori ishte dhurata më e bukur që më erdhi për 25-vjetorin e ditëlindjes sime.

-A duhet të presim ndonjë surprizë tjetër së shpejti?

Soni: Po. Pas pak kohësh do të shfaqem në një stil krejt ndryshe. Do të jem për herë të parë pjesë e një projekti të madh, që do të
jetë eksperimenti im i radhës.

-Që do të jetë?

Soni: Do t'ju duhet të prisni dhe pak që ta shikoni vetë se çfarë do të jetë. Tani për tani mund t'ju them se do jem brenda zhanrit të muzikës, por në një formë krejt ndryshe

» Intervista me kengetaren Besa
» Intervista me kengetaren Big Mama
» Intervista me kengetaren Zanfina Ismaili
» Intervista me kengetaren Jehona Sopi
» Intervista me kengetaren Mentori