Filmi Shqip : Vetmia që eliminon dhe fizikisht

Titulli: Filmi Shqip : Vetmia që eliminon dhe fizikisht 13/11/2007, 17:59

Përgjatë tri netëve, në skenën e Akademisë së Arteve u shfaq drama "Guxim për vrasje". Aktorët kosovarë Enver Petrovci, Luan Jaha dhe Arta Muça përcollën një problem të ditës
Është klithma e një njeriu të fundosur në vetmi. Në njeri që duket se i çahet kraharori nga dhimbja. E kishte menduar më parë. Por a donte vërtet ta vriste? Eriku është i ri, tërësisht i vetmuar. Duket se i mungon edhe dëshira për të dalë nga ai batak. I ati që vuan nga e njëjta epidemi, duket madje më i gjallë se ai dhe përpiqet, ndonëse në mënyrë të dëshpëruar. Nën regjinë e Arta Kallabës, aktorët kosovarë Enver Petrovci, Luan Jaha dhe Arta Muça, përgjatë tri netëve, sollën në skenën e Akademisë së Arteve një dramë të shkruar nga një suedez, por që fare mirë mund të jetë edhe shqiptare. "Guxim për vrasje" nuk flet për ndonjë temë patriotike, atdhetare, as për luftën, as për paqen, ku fokusohen më së shumti artistët nga Kosova. Është një dramë po aq e madhe sa edhe lufta, por që zhvillohet në shpirtrat e njerëzve. Është një dramë, që mundon prej kohësh evropianët, kryesisht njerëzit e moshës së tretë dhe po shfaqet gjithnjë e më shumë edhe në Shqipëri. Është një temë e ditës ku shumëkush mund të gjejë veten. Nuk shfaqet perverse tentativa e burrit për të shkuar me të dashurën e të birit. Është dëshpëruese.

» Tani kur s'te kam "
» Open Office - Shqip
» Tekste kengesh shqip