Armend Ramadani, stilisti seksi nga Maqedonia

Falenderoj Armend Ramadanin per dukjen time", eshte fraza me e shpeshte qe mund ta degjoni nga njerezit e estrades shqiptare ne Maqedoni. Big Mama, Bertan Asllani, Berkani, Shpat Kasapi, Ardian Gaxha etj., jane vetem disa nga fytyrat qe kane kaluar dhe kalojne neper duart e stilistit 24-vjecar nga Shkupi, Armend Ramadani. Po, nuk jane vetem yjet shqiptare ne Maqedoni qe kerkojne perkujdesjen e Armendit, por atyre ne nje kohe te shkurter u jane shtuar edhe shume kolege te tyre maqedonas, qe kane degjuar per mjeshterine e tij, ndersa nuk jane te pakte as yjet e estrades dhe modes kosovare e asaj shqiptare.
Krahas 6 viteve te plota te punes ne rregullimin e "make up"-it dhe flokeve, ish-modeli i dikurshem, Ramadani, i cili kete zanat e ka mesuar dhe praktikuar ne Turqi, se fundi ka filluar te merret edhe me fotografi. Ai ka realizuar nje mori foto-sesionesh me kengetaret dhe modelet e famshme, si dhe ka edituar disa albume te kengetareve tane.

Armendi nuk ngaterrohet ne keto profesione, perkundrazi, ai eshte ne maje te secilit prej tyre, e pervec kesaj, ai njihet si stilisti me seksi ne Maqedoni, i cili ne Dubai pati marre pjese ne garen e modeleve, "Mister World". "Te arriturat e mia vijne nga bashkepunimet e shumta qe kisha, fillimisht si model, e me pastaj edhe me artistet tane ne Maqedoni, Kosove, Shqiperi, por edhe talentin qe me dhuroi Zoti ne kete profesion", u shpreh Armendi gjate nje bisede telefonike per "Korrierin". Armendi potencon bashkepunimet e suksesshme ne nje mori albumesh qe jane edituar se fundi nga kengetaret e ndryshem si: Big Mama, Shpat Kasapi, Berkani, Bertan Asllani, Adrian Gaxha etj. I pyetur nga gazeta "Korrieri" nese po perjeton lidhje dashurie me kengetaren Rovena Stefa, sic eshte spekuluar disa kohe me pare, Armendi thote se me yllin e kenges "Dasma" ka vetem bashkepunim te mire, ndersa ai dashuron "diku ku nuk shihet".