Shitet vetura e aksidentuar e Lohanit

Shitet vetura e aksidentuar e Lohanit Vetura të cilën e kishte vozitur aktorja e famshme, Lindsay Lohan, gjatë përplasjes në një lis të Beverly Hillsit, kur kishte qenë nën ndikim të alkoolit, është vënë në shitje në ankandin eBay.
Lohan e kishte përjetuar fatkeqësinë në Beverly Hills me veturën e saj Mercedes Benz SL Class, të vitit 2005, çmimi fillestar në ankand i së cilës është 110.000 dollarë.
Targat e veturës janë të njëjta me ato të ditës kur kishte ndodhur aksidenti, ndërsa vetura ka të kaluara vetëm 6.200 mile.
Shitësi i kësaj veture, ndër të tjera ka shpjeguar: "Ne e kishim porositur këtë veturë, me dëmtime të vogla, në Californi, 60 ditë më parë”.