Winehouse: Nuk kam kohë për të marrë drogë

Këngëtarja Amy Winehouse ka hedhur poshtë raportet që ajo është një konsumuese e drogës, duke thënë që është "tepër e zënë" për të qenë një person i varur nga droga.
Ylli në telashe, e cila është hospitalizuar për mbidozë të drogës në muajin gusht të këtij viti dhe u arrestua për posedim të marihuanës muajin e kaluar, rishtazi ka dhënë një intervistë bizare për një medium amerikan, gjatë së cilës ka shqiptuar keq fjalët dhe e ka marrë gjumi tri herë gjatë intervistës.
Edhe pse ajo hedh poshtë raportet që thonë se është e varur nga droga, megjithatë ka pranuar që ka problem me konsumimin e alkoolit.
Për revistën Blender, Winehouse ka thënë, "Nuk kam kohë (për drogë)... Unë jam person që pi shumë”.