Shaka nga Lufta

Titulli: Shaka nga Lufta 21/3/2008, 16:13

1. Në kodër të qyqarëve

Gjatë ofenzivës së forcave serbo-çetnike, në verën

e vitit 1998, një familje nga Drenica shkoi në Prishtinë.

Kur u paraqit në Këshillin e Emergjencës, ata pasi e

shikojnë një listë, i thonë:

-E kemi një shtëpi të lirë në Kodër të Trimave, mund

t`ju vendosim nëse doni?

-Jo- ua ktheu drenicaku- mua ma gjeni një shtëpi

në Kodër të Qyqarëve, se po të isha trim, unë do

të isha tash në Drenicë, e jo këtu.

Titulli: Re: Shaka nga Lufta 21/3/2008, 16:13

2. Prej nga je?

Gjatë ofenzivës serbe të shtatorit të vitit 1998,

në malet e Qyqavicës u strehuan shumë familje

nga Drenica. Aty dëgjova këtë dialog:

-Kah të patëm oj shoqe?

-Nuk di as vet. Kam qenë e martuar në Polac.

Dy javë ndejta në Galicë, një muaj në Dubofc,

dy muaj në Kollë e qe tri ditë jemi këtu në

bjeshkë. E ti a po e din ti tash nga jam?

Titulli: Re: Shaka nga Lufta 21/3/2008, 16:14

3. A po qesin?

Gjatë luftimeve në Prekaz, në mars të vitit

1998, disa gra e fëmijë erdhën në lagjen tonë.

Baqica i kishte mjelë lopët dhe hyri në shtëpi.

Njëra nga gratë mysafire e pyet:

-A po qesin? Baqica duke aluduar tek lopët, i përgjigjet:

-Po valla, po qesin boll.

-Uh, qyqet na, donë me ardhë edhe këndej-ia kthei ajo.

-Qysh mori qyqet na, çka kishin me pi fëmijtë?

-Uh, gru, gru, unë mendova mos po gjuajnë shkjetë.

Titulli: Re: Shaka nga Lufta 21/3/2008, 16:15

4. Kjo më nuk durohet

Në një fshat, diku në Kosovë, banorët kishin

ikur para ofenzivës serbe dhe ishin fshehur

në një mal. Ata, nga mali i shihnin shtëpitë duke

u djegur nga kumbarët e deridjeshëm serbë.

Kur shkjetë hynë edhe nëpër kopshtet me perime

dhe shkatrruan edhe serrat, njëri nga ata bërtiti:

-Vëllezër, kjo më nuk durohet. Kush është i gatshëm

të vdesë, le të vijë pas meje.

Titulli: Re: Shaka nga Lufta 21/3/2008, 16:15

5. Do ta ndajmë oborrin

Një familje nga Drenica, me një kerr fëmijë,

ia mësyn Mitrovicës dhe vendoset tek një

familje e cila e pranon me ngrohtësi.

Pas pak ditësh, drenicaku kishte blerë dërrasa.

I zoti i shtëpisë e pa duke i shkarkuar dhe e pyeti:

-Çka po të duhen ato dërrasa, o lum miku?

-Burrë, vendosa ta ndajmë oborrin. Shumë fëmijë,

po përzihen e besa edhe po lazdrohen.

Titulli: Re: Shaka nga Lufta 21/3/2008, 16:16

6. Mos i qaj tapetat

Njëri nga Drenica gjatë luftës së 98-ës ishte

vendosur në një familje në Mitrovicë. I zoti i

shtëpisë e kishte pritur mirë, por një ditë

ishte ankuar tek mysafiri se fëmijtë kishin

nisur t`ia shkatrrojnë tapetat në mur.

Drenicaku ia ktheu:

- Qysh bre nuk po të vjen marre, mua ma

kanë djegur shtëpinë e nuk u bë nami e

ti ankohesh për tapetat, lëri burrë fëmijtë

le të luajnë.

Titulli: Re: Shaka nga Lufta 21/3/2008, 16:16

7. Veturën po e blej unë

Një familje kishte ikur nga lufta dhe ishte

vendosur në Mitrovicë. i zoti i shtëpisë

nuk kishte qenë edhe aq i fortë ekonomikisht,

por kishte vendosur ta mbante me shpenzime

të vetat. Kur iu harxhuan paratë, ai i tha mysafirit

se kishte vendosur ta shiste veturën. Ky farë trimi

e kishte pasur një duç marka me vete, por që nuk

e kishte shpenzuar asnjë cent, po i thotë:

-Veturën po e blej unë, sa e merr tjetërkush.

Titulli: Re: Shaka nga Lufta 21/3/2008, 16:18

8. Këta kanë vdekur, jo unë

Një ushtar i UÇK-së nga Dërvari ishte plagosur

rëndë gjatë luftimeve të ofenzivës serbe të

shtatorit në Qyqavicë. Kur e gjejnë disa shokë

e tërheqin prej aty dhe e vendosin në një vend

të sigurt, i lajmërojnë edhe shokët tjerë.

Derisa vijnë të dytët, ushtarët i zë gjumi,

kurse ushtari plagosur nuk mund të flinte nga

dhembjet. Me të arritur, ata e pyesin:

-A nuk ke vdekur, a?

-Jo, unë jo, por këta shokët-iu përgjigjet

ushtari në shaka.

Titulli: Re: Shaka nga Lufta 21/3/2008, 16:18

9. E kam nemë viçin

Në Prekaz të Poshtëm, derisa ishte si zonë

më e lirë, ishin vendosur disa familje nga

fshatrat ku ishte më rrezik nga luftimet.

I zoti i një shtëpie që kishte shumë mysafirë

e kishte prerë një viç. Pas dy ditësh aty

shkoi edhe një nip nga Gllobari.

Daja po i thotë nipit:

-Rras mish se e kam prerë atë viçin që

i thosha të hëngërshin qentë.

Titulli: Re: Shaka nga Lufta 21/3/2008, 16:19

10. Uji në benzinë

Gjatë luftës, Qirezi ishte ende zonë e lirë

dhe e kontrolluar nga UÇK-ja. Aty bëhej

njëfarë tregu dhe njerëzit furnizoheshin

me artikuj të ndryshëm.

Njëri duke shprazur një kanistër me

benzinë, e mbante ombrellën sipër kapakut

të rezervoarit për të mos rënë pikat e shiut.

Njëri duke e shikuar këtë skenë i tha:

-O lum jarani, hiqe atë ombrellë, se uji ka hyrë

moti në kanistër.

Titulli: Re: Shaka nga Lufta 24/11/2008, 21:26

BoraBardh shkruajti:: 7. Veturën po e blej unë

Një familje kishte ikur nga lufta dhe ishte

vendosur në Mitrovicë. i zoti i shtëpisë

nuk kishte qenë edhe aq i fortë ekonomikisht,

por kishte vendosur ta mbante me shpenzime

të vetat. Kur iu harxhuan paratë, ai i tha mysafirit

se kishte vendosur ta shiste veturën. Ky farë trimi

e kishte pasur një duç marka me vete, por që nuk

e kishte shpenzuar asnjë cent, po i thotë:

-Veturën po e blej unë, sa e merr tjetërkush.

hahahahhaah kjo osht nje barcolet e fort valla

Titulli: Re: Shaka nga Lufta 3/12/2008, 01:11

» Fotto Nga Lufta ne Kosove