Domenek detyrohet ta ftojë Trezegenë kundër Anglisë

Përzgjedhësi i Francës, Raimond Domenek ka qenë i detyruar ta ftojë sulmuesin e Juventusit, David Trezefe për ndeshjen miqësore kundër Anglisë, për shkak se në ndeshjen ndërmjet Lionit dhe PSZH-së u lëndua sulmuesi kryesor i kombëtares së 'gjelave', Karim Benzema.
Ai u lëndua në nyjen e poshtme të këmbës së majtë gjatë një dueli me Kamarën dhe do të jetë i detyruar të qëndrojë disa ditë larg fushës së gjelbër. Kësisoj, Domenek përkundër raporteve jo të mira në kohët e fundit me Trezegenë, ka qenë i detyruar ta ftojë këtë të fundit për miqësore e së mërkurës ndaj Anglisë.

Në fakt, Trezege ka paralajmëruar kohë më parë se nuk dëshiron të udhëtojë në Kampionatin evropian në Zvicër e Austri për të qëndruar në bankën e rezervistëve. Megjithatë, kundër Anglisë ai sigurisht do të ketë hapësirë më të madhe për lojë, edhe pse konkurrenca në sulm është e madhe, pasi bëjnë pjesë edhe Tieri Anri dhe Nikolas Anelka. Përveç Benzemës, për shkak të lëndimeve, Domenek nuk do t'i ketë në dispozicion as shërbimet e Bakari Sanjës, si dhe të portierit të Fiorentinës, Frei.