Spalletti: Rezultati është ndëshkues

Trajneri i Romas, Luciano Spalletti, ka thënë pas ndeshjes çerekfinale të Ligës së Kampionëve ndaj Manchester United, se humbja prej 2-0 është një rezultat vështirë i përballueshëm.


“Rezultati nuk tregon lojën që ne luajtëm. Luajtëm ashtu siç duhej të luajmë dhe merituam më shumë, si në fillim të ndeshjes, ashtu edhe në pjesën e dytë. Kur ata kaluan në avantazh ne duhej të ngremë nivelin e lojës”, ka thënë Spalletti.

“Rezultati na ndëshkon shumë dhe tash kualifikimi është shumë i vështirë, por ne kemi shënuar nga dy gola në udhëtim edhe në ndeshje tjera të Ligës së Kampionëve, andaj do të shkojmë në ndeshjen e kthimit për të kërkuar kualifikim”, ka shtuar ca me optimizëm trajneri italian.

Në ndeshjen e vitit të kaluar të luajtur në Old Trafford, Roma humbi me rezultat turpërues prej 7-1 ndaj Manchesterit.