Depp vjedh spektaklin në MTV Movie Awards

Johnny Depp e ka “vjedhur” spektaklin në ceremoninë e ndarjes së çmimeve, MTV Movie Awards, duke fituar dy çmime dhe duke eksituar kontingjentin femëror të Hollywoodit.
Depp ishte befasia e mbrëmjes, duke i shokuar madje edhe të famshmet e pranishme në audiencë kur ai doli në skenë për të marrë çmimin e Performancës më të mirë në komedi, për versionin e fundit të filmit, “Pirates of the Caribbean”, dhe çmimin e “zullumqarit” për filmin, “Sweeney Todd”.

Kur kishte dalë në skenë Depp, Lindsay Lohan kishte kërcyer në këmbë, ndërsa fituesja e çmimit Oskar për filmin, “Juno”, Diablo Cody, ishte alivanosur kur e kishin fiksuar kamerat.

“Nuk e di si ka mundur të ndodhë që unë të jem fituesi i çmimit për komedi, pasi që nuk jam edhe aq komik. Mund ta pyesni këdo për këtë”, është shprehur Depp gjatë marrjes së çmimit.