Hall shet fustanin e martesës me Jagger

Ish-supermodelja, Jerry Hall, e ka nxjerrë në ankand fustanin e martesës të cilin e kishte veshur në kohën kur ishte martuar me Sir Mick Jagger, me qëllim që të fitojë para të cilat do t’i dhurojë për të pastrehët.
Fustani të cilin ajo e kishte veshur në ceremoninë martesore të vitit 1990, ishte punuar nga Antony Price.

Tani, nëntë vite pas ndarjes me frontmenin e “Rolling Stones”, Hall do ta shesë fustanin së bashku me disa tesha tjera personale, ndërsa fitimet do t’i shkojnë organizatës britanike për bamirësi, Emmaus.

“Më vjen mirë që fustani im do t’ia zbukurojë jetën dikujt tjetër, ky është një vazhdim i përjetimeve të mira. Megjithatë është pak e çuditshme që dikush ta vesh atë në martesën e saj”, ka komentuar Hall.