Më në fund vjen albumi i Alban Skënderajt

Këngëtari, Alban Skënderaj, më në fund do të paraqitet në treg me albumin e tij, përderisa ka lansuar në televizione video-incizimin, "Larg dhe afër".
Alban Skënderaj, ka thënë për mediat shqiptare se në fund të qershorit do të hedh në treg albumin e tij të dytë, të cilën gjë ai e ka quajtur një sprovë të vërtetë.

"Larg dhe afër" është kënga dhe klipi i parë promovues i këtij albumi, i cili shpejt do të pasohet edhe nga këngë të tjera, për të cilat kantautori deklaron se përbëjnë një hap më profesional në karrierën e tij.

Përveç albumit, flitet se këngëtari gjatë qëndrimit në Gjermani, mund të këtë filluar lidhje me këngëtaren e bukur, Miriam Cani, por ai përveç se ka pranuar miqësinë me të për gazetën “Shqip”, nuk ka folur për lidhje, e cila, gjithsesi, ngelet enigmë.