Martohet Memli Krasniqi

Rep këngëtari i parë shqiptar Memli Krasniqi është martuar të premten e kaluar, ka njoftuar revista familjare “Kosovarja”.
Kjo revistë ka thënë se Memli e ka bërë dasmën e tij pa praninë e mediave kosovare dhe është martuar me një vajzë të quajtur Melisa, me të cilën ai ka qenë në lidhje dashurie për një kohë të gjatë.

Sipas revistës, në këtë ngjarje kanë marrë pjesë personalitete të ndryshme të artit dhe muzikës, madje edhe politikanë. Mirëpo, me sa duket kryeministri i Kosovës nuk ka mundur të shkojë atje për shkak të angazhimeve të tij në Forumin e Crans Montanës.