Berisha takon delegacionin e Kuvendit të Kosovës

Kryeministri Berisha priti sot në një takim delegacionin e komisionit të Jashtëm të Kuvendit të Kosovës, kryesuar nga Sabri Hamiti. Duke u ndalur në zhvillimet më të fundit, lidhur me planit 6-pikësh të OKB-së, Berisha tha se qeveria shqiptare po ndjek me vëmendje të gjitha zhvillimet në Kosovë. Ai theksoi domosdoshmërinë e unitetit të liderëve kosovare për çështje të tilla të rëndësishme, si dhe vazhdimin e bashkëpunimit të ngushtë me SHBA dhe BE. Ndër të tjera, Berisha u shpreh se një rëndësi të veçantë ka shtrirja e misionit të EULEX në të gjithë territorin e Kosovës, si një zhvillim tërësisht pozitiv që i shërben paqes dhe stabilitetit.