BBC: Shqipëria dhe Kosova, mbështetje për presidentin Obama

BBC shkruan sot, së në Shqipëri dhe Kosovë janë shprehur simpati e mbështetje për presidentin e ri amerikan, Barak Obama, i cili morri dje detyrën. Rrjeti britanik citon ministrin e jashtëm kosovar Skënder Hyseni, të ketë thënë, se Kosova është ndër të paktat çështje për të cilën SHBA-të patën sukses në krijimin e konsensusit politik, mes demokratëve dhe republikanëve. Hyseni falenderoi presidentin e larguar Bush, për shpalljen dhe njohjen e pavarësisë së Kosovës, por edhe për ftesën e anëtarësimit në NATO të Shqipërisë. Edhe ministri i jashtëm shqiptar, Lulëzim Basha, deklaroi për BBC-në, se kontributi amerikan ka qenë dhe do të mbetet i pazëvendësueshëm për Shqipërinë dhe Ballkanin, në tërësi.