Bono takohet me presidentin francez Sarkozy

Lideri i grupit U2, Bono, gjatë një takimi me presidentin francez, Nicolas Sarkozy, ka kërkuar që Franca të dyfishojë ndihmat për vendet në zhvillim.
Takimi u zhvillua të premten, derisa rokeri humanitar ka bërë presion ndaj presidentit francez që të nxisë rritjen e ndihmave për vendet në zhvillim, deri në 0.7% nga të hyrat e përgjithshme të Francës.

“Presidenti tha se do të jetë shumë, shumë e vështirë, por Franca do ta mbajë premtimin”, ka thënë Bono në një deklaratë pas takimit.