Kosova pritet të hapë 12 ambasada të reja

Kosova, pritet që së shpejti, të hapë 12 ambasada të reja, duke e çuar në 22, numërin e tyre. Prishtina zyrtare, preferon që shërbimet e jashtme, t’i quajë ambasada, pavarësisht se asnjë nga të ngarkuarit me punë jashtë vendit, nuk ka marrë titullin ambasador. Sipas kushtetutës, ata duhet të përzgjidhen me konkurs të hapur dhe më pas, të dekretohen prej presidentit. Ndërkaq, po punohet për vënien në funksion edhe të shërbimeve konsullore, që do të përqëndrohen në vendet ku jetojnë e punojnë më shumë kosovarë.