Majkëll Felps, mund të ndiqet penalisht nga universiteti

Universiteti i Kalifornisë së Jugut, ku ka studjuar kampioni i notit, Majkëll Felps, ka filluar hetimet pas fotografive të publikuara ku notari konsumonte mariuhanë. Sherifi i policisë i ngarkuar me çështjen, do të hetojë nëse kampioni dhe rekordmeni i Lojërave Olimpike të Pekinit, ka përdorur drogë në mjediset e universitetit. Nëse është e vërtetë, mbi Felps do të fillojë ndjekja penale, pasi është shkelje e rregullave të kampusit ku ai studjonte. Vetë Felps, ka kërkuar falje për fotografitë, ndërsa nuk është ende e qartë nësë fotografia është bërë gjatë një feste të organizuar në universitetin e tij.