Vazhdojnë tratativat e Milanit, për blerjen e Bekamit

Avokatët e Dejvid Bekam kanë nisur tratativat me klubin amerikan të futbollit Garaksi. Për herë të parë Adriano Galiani pranon se Milan ka nisur përpjekjet për ta mbajtur përgjithmonë në Itali Dejvid Bekam. Galiani tha se nëse Galaksi do të jetë i disponueshëm, Milani është i gatshëm të nisë negociatat. Numri 1 i Milanit shtoi se do të ishte i lumtur nëse tratativat do të përfundonin me sukses. Planet janë që ylli britanik të merret borxh deri në fund të sezonit, por nuk përjashtohet mundësia që kartela e tij të blihet denifitivisht. Dje mediat britanike shkruajtën se Milani kishte ofruar 15 milion euro për marrjen e Bekam nga Galaksi.