Ferguson: Mund të arrijmë “pokerin”

Titulli: Ferguson: Mund të arrijmë “pokerin” 9/2/2009, 04:07

Ferguson: Mund të arrijmë “pokerin”

Pasi ka fituar botërorin e klubeve, Mançesteri është në garë për katër kompeticione
Aleks Ferguson beson se dëmtimet do të jenë përcaktuese për qëllimet e Mançester Junajtedit, që synon të fitojë të pesë kompeticionet në të cilat merr pjesë në këtë sezon.
Trajneri skocez i Junajtedit është i bindur se ka në dispozicion lojtarët e duhur për të arritur një “pesëshe”, por gjithashtu ka pranuar se për t’u arritur ky objektiv nevojitet edhe pak fat, veçanërisht përsa i përket formës së lojtarëve kyç.
Skuadra e Fergusonit që ka fituar në muajin dhjetor Kampionatin Botëror të Klubeve, do të përballet me Totenhemin më 1 mars në finalen e Kupës së Ligës dhe, gjithashtu, ndodhet në vend të parë në Premier Ligë.
Junajtedi ka kaluar edhe në fazën e dytë të Champions Ligës, duke e bërë trajnerin legjendar të mendojë për dorëheqjen nga futbolli nëse skuadra e tij arrin të fitojë të gjitha kompeticionet në këtë sezon. “Për të arritur një gjë të tillë duhet të kesh fatin që asnjë nga lojtarët të mos pësojë dëmtime të rënda dhe të jenë të përqendruar. Nëse ne i kemi të gjithë lojtarët në gjendje të mirë fizike atëherë gjithçka është e mundur.
Nëse ti luan në një kompeticion duhet të tentosh ta fitosh atë, përsa kohë vazhdon të jesh në garë, e ke gjithmonë një mundësi. Kohët e fundit kemi pasur shumë dëmtime, por skuadra ka reaguar mirë dhe çfarëdo formacioni që kam futur unë në fushë ka dhënë rezultat”, ka thënë Ferguson.

Titulli: Re: Ferguson: Mund të arrijmë “pokerin” 9/2/2009, 04:08

Sukseset që ka arritur deri tani Junajtedi kanë ardhur edhe si rezultat i një mbrojtjeje të shkëlqyer, që pasqyrohet në një rekord prej 12 ndeshjesh të njëpasnjëshme në Premier Ligë pa pësuar asnjë gol.
Dhe me rikthimin nga dëmtimi të Uejn Runit për transfertën e së dielës në kampionat kundër Uest Hemit dhe me rekuperimin e formës më të mirë nga Kristiano Ronaldo, reparti ofensiv i skuadrës duket se do përforcohet akoma më shumë, ndërsa sezoni po futet në atë periudhë që Ferguson e cilëson si “momenti kyç”.
Trajneri i Mançesterit ka thënë se është i kënaqur për faktin se Ronaldo është kthyer të zhvillojë një futboll të bukur pas një faze të parë jo shumë pozitive, që sipas disave, kishte të bënte me zhgënjimin e portugezit pas dështimit të transferimit të tij tek Reali i Madridit para fillimit të sezonit.
“Tani ai do të jetë më i përqendruar”, ka parashikuar Ferguson. “Ju e dini se sulmuesit kur nuk shënojnë demoralizohen pak, ndërsa kur shënojnë janë njerëzit më të lumtur në botë”. Gjithashtu, Ferguson, ka konfirmuar se dy veteranëve Rajan Gigs dhe Pol Skols do t’i ofrohet një kontratë e re që do t’i mbajë ata në “Old Traford” të paktën deri në fundin e sezonit të ardhshëm, dhe ka parashikuar se shoku i tyre i vjetër i skuadrës, Devid Bekhami, do të ndahet me amerikanët e Galaksi për të qëndruar tek Milani.
“Unë mendoj se do të ishte gjëja më normale që ai mund të bëjë, të rikthehet tek futbolli që ka rëndësi. Nëse ata ia kanë dhënë këtë mundësi do të ishte një budallallëk të mos pranohej. Ai ka luajtur me Galaksin, dakord, ata e kanë paguar me shuma marramendëse dhe ai duhet të tregohet besnik.

Titulli: Re: Ferguson: Mund të arrijmë “pokerin” 9/2/2009, 04:08

Por duke menduar si një egoist, nëse mua do të më jepej një mundësi të shkoja tek Milani, do ta pranoja menjëherë. Nuk ekziston që kjo të ndodhë pas dy vitesh. Kjo është mundësia e artë për Devidin dhe besoj se ai do ta shfrytëzojë. Nëse mund të arrihet një marrëveshje midis Milanit dhe Galaksisë mendoj se ai do të qëndrojë në Milano”, ka thënë Ferguson.
Liverpuli nuk do të ketë në dispozicion kapitenin Stiven Xherard për shkak dëmtimi dhe të skualifikuarin Lukas për ndeshjen e sotme kundër Portsmuthit. Ndërsa trajneri i vendasve Toni Adams mund të vendosë për debutimin e lojtarëve grekë, mesfushorit Angelos Basinas dhe sulmuesit Theofanis Gekas.
Portieri i Çelsit Petr Çeh do të mungojë për shkak të një dëmtimi në shpinë, por mesfushori Kuarezma, i marrë borxh nga Interi, mund të debutojë sot kundër skuadrës së Hullit, që nuk do të ketë në dispozicion mbrojtësin e skualifikuar Bernard Mendi.
Treshja e Njukasëllit Alan Smith, Mark Viduka dhe Obafemi Martins janë rekuperuar nga dëmtimet dhe do të jenë në dispozicion për transfertën e stome kundër Uest Bromuiç.
Sulmuesi Uejn Runi dhe mbrojtësi Patris Evra mund të jenë të pranishëm në stol të dielën kur Mançester Junajted do të udhëtojë drejt Uest Hemit, por do të mungojë Geri Nevill, për shkak të temperaturës.
Mançester Siti mund të aktivizojë portierin e sapoblerë Shei Given që në ndeshjen e sotme në shtëpi ku do të presë ekipin e Midëllsbrout, ky i fundit do të ketë në dispozicion mesfushorët Didier Digard dhe Geri O’Neil, që kanë qenë të pezulluar.

» Ferguson: Edhe dy vjet me Rajan Gigsin
» Malte, Duka kerkon impenjim nen syte e Ferguson
» Juventus mund me veshtiresi Katanian
» Si mund ta leni duhanin?
» Celulari mund te shkaktoje tumor ne tru