'Ujë lope', pija më e re e shpikur në Indi

Titulli: 'Ujë lope', pija më e re e shpikur në Indi 15/2/2009, 17:17

'Ujë lope', pija më e re e shpikur në Indi

Quhet Gaul Jal, 'ujë lope', dhe me sa duket, posedon aftësi kuruese për njeriun. Është pija më e re e shpikur në Indi. Shpikësit e saj, thonë se ajo përfaqëson një alternativë të shëndetshme sikurse Coca-Cola apo Pepsi.
Mjafton vetëm që të mos e mendosh se prej nga bëhet, pasi përbërësi kryesor i pijes jo alkoolike, është urina e lopës. Shpikja është realizuar në qytetin e shenjtë të Haridwarit në Indi. Të gjithë që e kanë provuar thonë se është shumë e mirë, dhe të shuan etjen. Pija e re, pritet të prodhohet pasivisht nga kompania Rashtriya Swayamsevak Sangh, e cila promovon gjithashtu edhe kulturën Hindi. Në besimin Hindu, lopët janë objekt kulti dhe produktet e saj, që nga qumështi e deri tek pjesë të tjera, shtohen shpesh nëpër pije, apo në recetat e gatimit. Madje, në këtë besim, ultra-ortodoksët 'pastrohen' duke pirë një gotë urine nga lopa. Në disa dyqane, siç shkruan gazeta britanike Daily Telegraph, porcione urine, shiten përkrah konfeksioneve të jogurtëve dhe qumështeve. Urina konsiderohet e pasur me antiseptik, që kurojnë sëmundje në mëlçi, të diabetit dhe kancerit.