Çështja Pango, hap debatet në seancën parlamentare

Sapo ka nisur punimet seanca e radhës e Kuvendit të Shqipërisë, e cila duket se do i kushtohet e tëra, të paktën gjatë orës së parë, video-skandalit të ministrit Pango, zbuluar nga Fiks Fare në Top Channel. Para nisjes së kësaj seance, deputetë të opozitës kanë kërkuar nisjen e hetimeve dhe hapjen e çështjes penale në ngarkim të ministrit të shkarkuar Pango. Nënkryetari i grupi të PS, Erjon Braçe, tha se Pango duhej të akuzohej për abuzim me detyrën, por edhe për ngacmim seksual. Në emër të grupit socialist, Velentina Leskaj, sapo tha në foltoren e Kuvendit se “shqiptarët shikuan dje se vendi i punës në Shqipëri, blihet me dinjitet”. Ajo i kërkoi Kuvendit heqjen e imunitetit të Pangos, ndërsa Berishës t’i kërkojë ndjesë publike popullit shqiptar. Ndërsa kryetarja e Kuvendit, Jozefina Topalli, e quajti shokuese këtë ngjarje. Ajo kërkoi publikisht jo vetëm heqjen e imunitetit, por lëshimin e mandatit nga vetë Pango. Ajo tha se jam e tmerruar nga këto meshkuj, siç e quajti ajo ministrin Pango. Topalli falenderoi kryeministrin Berisha që e pushoi ministrin Pango për katër minuta.