Zherard zgjat kontratën edhe për dy vite të tjera

Kapiteni i Liverpulit, Stiven Zherard, ka zgjatur sot kontratën edhe me dy vjet të tjera dhe që e lidh me të kuqtë atë deri në vitin 2013. Traineri i tij, Rafa Benitez e quajti këtë “si një lajm fantastik”, dhe kujtoi se Stiven ka treguar me këtë akt besnikërinë ndaj fanelës së Liverpulit. Zherard, 29 vjeç, ka luajtur që fëmijë për Liverpulin dhe kurrë nuk ka ndërruar skuadër. Ai ishte deri më sot një ndër synimet kryesore të merkatos për klubet më të pasura të botës.