Ngjarja në Dibër, Topi: Një përgjegjësi e të gjithëve

Presidenti, Bamir Topi, reagoi sot për ngjarjen e denoncuar dje në Top-Media, se në Maqellarë të Dibrës, dy motra mbaheshin prej më shumë se 20 vjetësh, të lidhura me zinxhirë. "Situata e Maqellarës është dramatike, theksoi presidenti, duke e quajtur histori të papra-nueshme e të papëlqyer". Për Topin, ajo që ngjau në Maqellarë është përgjegjësi e qeverisë dhe e presidentit. Dimensioni i gruas, sipas kreut të shtetit, duhet të dalë përtej Tiranës dhe në çdo cep të vendit. Këto deklarata, presidenti i bëri gjatë një takimi për fuqizimin e rolit të grave në shoqëri. Drejtoresha e USAID-it, në vendin tonë, Roberta Mahoni, deklaroi nga ky aktivitet se "dhuna në familje, papunësia dhe mungesa e përfaqësimit të grave në vendim-marrje, janë çështje që duhen parë me përparësi në Shqipëri.