Olldashi: Rama, ka shitur në mënyrë të paligjshme tokat

Ministri i Transportit, Sokol Olldashi, ka
akuzuar sot për shitje të paligjshme tokash, kryetarin e Bashkisë së
Tiranës, Edi Rama. Ministri Olldashi deklaroi, se Rama ka shitur tokën
tek ish-parku Rinia, e cila ishte pronë shtetërore. Ai tha, se
kryebashkiaku ka shitur 1.350 metra katrorë tokë, me një çmim prej 100
euro metri, duke u shkaktuar qytetarëve një dëm prej 3.7 miliardë
lekësh. Olldashi kërkoi që Prokuroria ta hetojë çështjen e denoncuar
publikisht, duke premtuar fakte të reja shkeljesh, në të ardhmen.