Marina, bukuroshja e “Fiks fare”, provon prezantimin

Pas Xhemit me sa duket është radha e Marinës, që nga studioja e emisionit “Fiks fare” të kalojë përpara kamerave duke provuar prezantimin. Prej pak ditësh, bionden bukuroshe e kemi parë si prezantuese në emisionin rinor të mesditës “Top select”. Edhe pse “Fiksi..” e ka ndihmuar ta largojë paksa emocionin, që të krijon kamera duket se kur bëhet fjalë për prezantimin gjërat nuk janë aq të thjeshta sa në vallëzim. Sidomos kur bëhet fjalë për fillimin. E pra në këto ditë të para si prezantuese Marina ende nuk e ka fituar shkathtësinë e një drejtueseje me përvojë, megjithatë fillimi duket i mbarë. Për më tepër, po të kemi parasysh se edhe paraardhësja e saj Xhemi, u afirmua duke nisur pikërisht nga studioja e emisionit “Fiks fare” duhet të themi, se premisat janë shumë pozitive. Të tjerat i mbeten kohës.