McCartney incizon album me djalin e tij

Sir Paul McCartney ka bërë të ditur se është duke incizuar albumin e ri, së bashku me djalin e tij, album i cili pritet të editohet gjatë vitit të ardhshëm. Djali i McCartneyt, James, më herët kishte marrë pjesë në dy albume të babait të tij, por duket që tash do të hidhet në karrierë solo.
Duke folur për projektin, Paul ka thënë: “Aktualisht po bëj disa incizime me djalin tim. Po analizojmë disa ide rreth incizimit të albumit të tij. Ai po bën gjithçka. Ai i shkruan të gjitha, i bën meloditë. Është sensacionale”.
Por, ende nuk është gati asgjë. Nuk e dimë nëse kjo do të ketë sukses. Plani im është vetëm të bëj disa incizime me të dhe është vërtet ngacmuese. Vërtet më pëlqen kjo”, ka shtuar ish-Beatlesi.
James ndjek pasardhësit tjerë të Beatlesave, të cilët po lëvrojnë muzikën e tyre, me Zak, djali i Ringos, i cili luan në bateri për Oasis dhe The Who, derisa Sean Lennon tashmë ka nxjerrë disa solo albume.