Robbie i kërkon falje ish-menaxherit të tij

Robbie Williams do t’i ofrojë ish-menaxherit të tij, Nigel Martin-Smith, kërkim-falje në gjykatë, për shkak të një mosmarrëveshjeje rreth këngës "The 90s". Kënga, që është përfshirë në albumin e Williamsit, LP Rudebox, thuhet të jetë përdorur, respektivisht ri-incizuar, pa e kompensuar bendin Take That.
Williams nesër do të paraqitet në Gjykatën e Lartë të Londrës dhe pritet që të paguajë një shumë gjashtëshifrore si dëmshpërblim dhe për shpenzimet e gjykatës.

"Robbie është pajtuar që publikisht të kërkoj falje dhe ta paguaj dëmshpërblimin. Me këtë gjë, kjo çështje merr fund”, ka thënë Martin-Smith për Manchester Evening News.

Moguli i muzikës po ashtu ka thënë se, nëse Williams do të kishte pranuar të takohej me të në katër sy, atëherë dëmi do të kishte qenë shumë më i vogël.