“Hajt se bohet mirë në Qytetin pa plan”

Haliband”, ka nxjerrë në shitje albumin e tij të parë “Qyteti pa plan” dhe videoklipin më të ri “Hajt se bohet mirë”
Rok bendi kosovar “Haliband”, të hënën në mbrëmje në hapësirat e “Jazz Club 212”, ka përuruar albumin e tij të parë, i cili titullohet “Qyteti pa plan”. Anëtari i këtij bendi, Agim Berisha tregon se disa nga këngët e albumit janë të realizuara më herët vetëm prej Krenar Halimit dhe Andin Halimit, ndërsa pasi bendit i janë bashkuar ai (Agim Berisha) dhe Petrit Riza, janë realizuar edhe 3 këngë të reja, dy prej të cilave janë realizuar edhe videoklipe. “Albumi komplet i ka 7 këngë edhe një videoklip. Videoklipi është një bonus për ata që do ta blejnë CD e “Haliband”, ka thënë Berisha.
Berisha tregon se kryesisht këngët i kanë kompozuar Krenari me Andini, ndërsa tekstet kanë marrë pjesë të gjithë anëtarët e bendit me sugjerime e tyre. “Kryesisht finalizimi i këngëve është i komplet bendit, por ato idetë kryesore i kanë jap Krenari me Andinin”. Në album si mysafir i “Haliband”, është edhe Besart Halimi, vëllai i vokalistit të bendit. “Besartin e kemi si mysafir edhe po na freskon programin. Është një djalë shumë i talentuar. Ata që e njohin e din se ai ka qenë finalist në spektaklin Ethet...”, thotë Agimi.
Sa i përket mbështetjes financiare për realizimin e albumit bendi “Haliband” nuk ka pas kurrfarë mbështetje. Të gjitha i kanë realizuar me mjete personale pa ndihmën e ndonjë sponsori. Ndërsa, distribuimin e albumit “Qyteti pa planë” të rek bendit “Haliband”, e ka marr përsipër Produksioni Vizioni & Libonia.

Mt: Deri tash tri videoklipe

Bas kitaristi Agim Berisha tregon se bendi deri tash i ka realizuar edhe 3 videoklipe. Videoklipi i parë është bërë në kohën kur, Agimi dhe Petriti nuk ka qenë anëtar të bendit, ndërsa dy klipet e fundit janë bërë me formacion të ri të bendit. “Qyteti pa plan”, është videoklipi i dytë sepse të parin e kanë realizuar vetëm Krneari me Andinin. Videoklipi i dytë është bërë me regji të Bekim Bacajt, ndërsa videoklipi i tretë, domethënë më i riu që është realizuar tani “Hajt së bohet mirë”, është realizuar nga Valon Nitaj, i cili është shok i Krenarit”. Edhe për videoklipet që i kanë realizuar, Berisha tregon se i kanë financuar vet dhe nuk kanë pas asnjë ndihmë nga ndonjë sponsor. “Të gjithë i kemi financuar vet edhe pse nuk na kanë kërkuar shumë të holla se edhe ata kane punuar dhe na kanë ndihmuar në mënyrë shoqërore. Kryesisht na është dashtë të paktën t’i mbulojmë harxhimet”, thotë Berisha, duke shtuar se “dihet që rok muzika nuk sjellë ndonjë fitim të madh në Kosovë edhe nuk ka shumë vende ku përformohet, kështu që na si gjithë rokerët tjerë të mirëfilltë këtë muzikë e kemi dashuri edhe vazhdojmë të kultivojmë. Mirë po kalojmë së bashku, po argëtohemi, po bëjmë muzikë për dashamirët e kësaj muzike, po shkëmbejmë mendime e kështu...”