Rikthehen shtëpiaket e dëshpëruara

Eva Longoria dhe ish i dashuri i saj, vetëm miq?
Disa thonë se Eva Longoria e Tony Parker janë në krizë martesore, dhe kjo ndodh vetëm pas gjashtë muajsh kurorëzimi të dashurisë. Kjo mbase vjen nga fakti se të dy kalojnë më pak kohë së bashku për shkak të largësive që i ndan: ajo e angazhuar me xhirimet e ‘Desperate Housewives’ në Los Angeles, ndërsa ai në Texas ku luan me skuadrën e basketbollit San Antonio Spurs. Këto zëra mund të qarkullojnë edhe pse para pak ditësh aktorja është fotografuar së bashku me ish të fejuarin Mario Lopez, duke dal nga një restorant japonez në Los Angeles.Eva Longoria javën e kaluar është bërë mbështetësja e grevës së skenaristëve amerikan. Longoria është përpjekur të fitonte simpatinë e tre duke u dërguar disa pica, por gjesti i saj nuk është vlerësuar dhe zonja Parker nuk arriti të ndalte dot lotët përpara gazetarëve. Në mbrojtje të saj ndërhyri Teri Hatcher: «Pozicioni ynë është tepër i vështirë. Kryetari ynë thotë se duhet të punojmë edhe pse jemi 100% nga ana e autorëve».
Nicollette Sheridan shtatzënë
Sipas disa zërave, aktorja simpatike e serialit Nicollette Sheridan dhe i fejuari Michael Bolton do të bëhen prindër për herë të parë. «Nicollette ka filluar t’u kërkoj këshilla shtëpiakeve të tjera në lidhje me shtatzëninë (Teri Hatcher, Marcia Cross e Felicity Huffmann)», është shprehur një person në një gazetë amerikane. Para disa kohësh ishte përhapur lajmi se historia e dashurisë së tyre po lulëzonte gjithnjë e më shumë dhe se Nicollette Sheridan dhe Michael Bolton mund të martoheshin, tani dashuria e tyre do të kurorëzohet me një bebe.

Teri Hatcher është ndarë nga i dashuri
Teri Hatcher ka konfirmuar lajmin se ajo dhe Stephen Kaye janë ndarë. Krijuesi i serialit, në të cilën Hatcher interpreton, ka anoncuar lajmin duke thënë «Teri për momentin është beqare». Teri jo vetëm në film, por dhe në jetën e përditshme nuk ka fat në dashuri. Ky mendim të lind menjëherë sapo dëgjon të gjitha historitë e dashurisë së aktores, që kanë përfunduar me lamtumirë. Por, nëse do të linim mënjanë këtë sektor, do të shihnim se ajo është disi e suksesshme, është përcaktuar edhe si ‘shkrimtarja’ e vitit duke u vlerësuar në Londër me çmimin ‘Glamour Women’ 2007. Protagonistja e serialit nuk shfaqet në kategorinë e 'Tv personality' (kategori ku fituese ka dal Charlotte Chruch). Teri është përzgjedhur “Shkrimtarja më e mirë e vitit” për angazhimin e saj argëtues Burnt Toast And Other Philosophies of Life.

Felicity Huffman me veshje seksi
Të duket pak e çuditshme një veshje e tillë në trupin e kësaj aktoreje, sepse jemi mësuar ta shohim në serial me rroba më praktike e të thjesht. Felicity Huffman e veshur me fustanin bojë rozë në këto imazhe është shfaqur një femër me të vërtetë elegante dhe tërheqëse. Nuk është vetëm e bukur, por është edhe një shkrimtare e zonja. Ka shkruar një libër për të dashurit e saj, një temë me të vërtetë interesante. Në faqet e këtij libri shfaqen disa këshilla për të gjithë ata djem që dëshirojnë të bëhen të dashur perfekt, ose edhe atyre vajzave që dëshirojnë të transformojnë në një të dashur perfekt partnerin e tyre aktual.

Marcia Cross nënë tepër e kujdesshme
Marcia Cross dhe bashkëshorti i saj Tom Mahoney këtë vit janë bërë prindërit e dy binjakeve dhe kanë përfituar nga festa e babait për të shëtitur me Eden dhe Savannah. Në foto bashkëshorti dhe bashkëshortja kanë në krahët e tyre nga një vogëlushe, gjatë rrugës për të shkuar në kishë. Por, gjatë ditës për to kujdeset tërësisht Marcia, e cila në pritje të fillimit të xhirimeve të serialit ka qenë tepër e përkushtuar pas binjakeve. Aktorja, e cila është bërë nënë në moshën 45 vjeçare ka treguar tek revista ‘People’ se «Gjithnjë kam dëshiruar të bëhesha nënë, por kam preferuar të pres një kohë të gjatë për t’u bërë pjesë e këtij klubi. Nuk ndjehesha ende e gatshme».