Kush duhet ta përfaqësojë Shqipërinë në Eurovizion?

Të nxehta janë ethet për këtë vit, se kush do të dalë fitues në aktivitetin mëtë madh të muzikës shqiptare, festivali i fundvitit në Radio-Televizionin Shqiptar. E ndërsa nuk dihet asgjë rreth këngëve, ku publiku ende nuk është njohur me to, publiku me padurim pret paradën e materialeve dhe këngëtarët përkatës, ndërkohë që për këta të fundit është bërë tashmë e ditur se kush do të marrë pjesë. Por gjithsesi, hamendësimet mbeten hamendësime, dhe dëshirat dëshira. Kështu, në një sondazh të realizuar në internet, shqiptarët dëshirojnë të shohin më tepër këtë vit në Eurovizion këngëtarin Blero, i preferuar kryesisht nga rinia. Po kështu, një ikonë që do të përfaqësonte denjësisht vendin në Eurovizion do të ishte për ta edhe Jonida Maliqi, e preferuar si nga vokali, ashtu
edhe nga paraqitja e saj. Më konkretisht, sipas sondazhit, Blero qëndron në krye
të listës, me 501 klikime në internet, me rreth 27.2 % të votave. Veç Bleros e
Jonidës, të preferuar gjithashtu janë edhe Vesa Luma, Greta Koçi, Mira Konçi &
Redon Makashi, Eneida Tarifa, Manjola Nallbani, Mariza Ikonomi, Rovena Dilo,
“Produkt 28”, Arbër Arapi dhe Saimir Çili.