Rihanna pezullon koncertet

Turneu i këngëtares seksipile, Rihanna, duket të jetë i rrezikuar, pasi që ajo është shtyrë t’i pezulloj tri koncerte, me urdhëresë të doktorit.
Superylli i muzikës R&B, ka pezulluar një koncert në Nottingham, të shtunën, derisa të hënën ka pezulluar edhe tjetrin, të planifikuar që të mbahet në Birmingham të Anglisë.
Koncerti në Bournemouth, të martën, gjithashtu raportohet të jetë shtyrë, edhe pse është e paqartë prej çfarë sëmundje është duke lënguar këngëtarja e re.
Në një deklaratë, Rihanna ka thënë se ajo, "çmon dashurinë dhe mbështetjen e të gjithë adhuruesve të saj dhe nuk do asgjë më shumë në botë se t’i shoh dhe të kënaqet me ta".
Nuk dihet nëse datat e këtyre koncerteve të planifikuara do të riorganizohen.