Koleksioni që do prekte RAI, Jonida ‘special guest’

Këtë rradhë është një set i ri fotografik ETNO-CHIC i stilistit të njohur Ardi Asllani që ka tërhequr vëmendjen e këngëtares Jonida Maliqi duke pranuar me kënaqësi ftesën si një ‘special guest’.
Ky bashkëpunim ka ardhur si pasojë e miqësisë që ekziston mes dy artistëve dhe pse jo, për të bërë disa hapa më lart në botën e artit.
Veshjet janë realizuar vetëm pak ditë më parë dhe shihet një Jonidë si gjithmonë ndryshe, tërheqëse, fine dhe e kompletuar. Janë disa fotot e realizuara por ne kemi përzgjedhur vetëm dy, në njërën këngëtarja është veshur me kombinimin mes të zezës dhe ngjyrës së florinjtë ndërsa në foton tjetër me një fustan të bardhë në stil të ri. Krijimet kanë qenë të destinuara për të shkuar në një sfilatë internacionale në Itali e cila do të zhirohej nga RAI. Fatkeqësisht kjo nuk u bë e mundur pasi në momentet e fundit stilistit Ardi Asllani nuk i është dhënë viza në Ambasadën Italiane.