Smith preferon Krishtlindjet në Xhamajkë, por nuk e lë gruaj

Edhe pse ka dëshirë që Krishtlindjet t’i pres në Xhamajkë, Will Smith nuk do të mund të realizojë ëndrrën e tij. Pengesë për këtë është gruaja e tij, Jada, e cila preferon që këtë festë ta kalojë nën fjollat e borës.
Smith që disa vjet ëndërron për një Krishtlindje në plazh, dhe me ambientin që do t’ia kujtonte ditët e verës, por gruas së tij nuk i pëlqen kjo ide. Andaj, Jada Pinkett Smith, nuk ia ka lejuar që kjo ëndërr t’i realizohej.

Për dallim nga komiku legjendar, i cili gjatë Krishtlindjeve do të rrezitej, Jada dhe dy fëmijët e saj, 9-vjeçari Jaden dhe 7-vjeçarja Willow, preferojnë Krishtlindje të bardha.

"Ne na pëlqen të dalim në borë. Kur them ‘ne’ mendoj në Jadan, e cila i adhuron lojërat në borë. Unë më me qejf gjatë kësaj kohe do të isha në Xhamajka. Mirëpo, Jada ka kujtime të mrekullueshme nga fëmijëria për borën, andaj gjithmonë kërkojmë një vend ku ka shumë borë gjatë kësaj feste. Ajo kalon javë të tëra në internet duke tentuar të gjej vendin ku ka më së shumti borë, dhe zakonisht përfundojmë pikërisht në këso vendesh", ka thënë Will.