Problemet e DiCaprios me dilerët e drogës

Jeta e aktorit të famshëm, Leonardo DiCaprio, nuk ka qenë gjithmonë e shoqëruar me glamur dhe famë. Aktori 33-vjeçar ka shpjeguar se - në rininë e hershme, në lagjen e tij, shpesh është rrahur nga dilerët e drogës.
"Unë jetoja me nënën time në Hollywood-Western, që njihet si një vend i dilerëve të drogës dhe prostitucionit. Isha i tmerruar në atë kohë. Më kanë rrahur mjaft. Me kanë rrahur që nga mosha 5-vjeçare”, ka shpjeguar DiCaprio.
Megjithatë ai ka nxjerrë edhe një përvojë pozitive nga jeta në atë lagje. Duke parë të metat e drogës dhe gjërat e këqija që e kanë përcjellë atë, DiCaprio thotë se ndaj drogës ka marrë qëndrim armiqësor, duke e konsideruar atë si “diçka djallëzore”.
"Nuk më pëlqen jeta ekstravagante. Nuk fluturoj me aeroplanë privatë, nuk kam truproje dhe nuk blej gjëra të krisura”, ka thënë aktori. Me një fjalë, ai ka shpjeguar – se nuk i pëlqen statusi i yllit.