Blige synon të sprovohet në kinematografi

Pas sukseseve të arritura në fushën e muzikës, Mary J. Blige, ka bërë të ditur se dëshiron të sprovohet edhe në kinematografi. Blige ka thënë se do të dëshironte një rol dramatik.
Këngëtarja e muzikës r&b, ka thënë se tashmë ka marrë një mori ofertash për t’u paraqitur në filma, mirëpo nuk i ka pëlqyer skenarët – ngase ishin role më shumë komike, të cilat ajo nuk i do aq shumë. “Kur të marrë ndonjë skenar të përshtatshëm do ta mbaj”, ka thënë ajo.
Megjithatë ajo ka thënë se nuk është e interesuar ta ndjek trendin e kolegeve të saja, për të pasur një shou personal televiziv.
Mary J. bëri debutimin e saj në ekran në vitin 1998 në shoun e Jamie Foxxit, ndërsa së fundi e sprovoi veten edhe si drejtoreshë kreative në shoun Top modelet amerikane.