Studimet ne Itali

Dalin emrat, kush do të ketë mundësi të studiojë në Itali
KLARIDA RROGOZI - GAZETA METROPOL
4 Gusht Studime në itali

Konsulltatat shpallin listën e studentëve që kanë fituar të drejtën për tu marrë në intevistë

Të gjithë studentët shqiptarë, që kanë dëshirë që në shtator të ulen në auditoret e Universiteteve Italiane, pas pak ditësh do të marrin vesh nëse do të realizohet ëndrra e tyre. Në bazë të kalendarit të përcaktuar nga Ministria e Arsimit Italiane, të gjithë Universitetet Italiane i kanë dërguar konsulltave italiane në Shqipëri emrat e studentëve, të cilët janë përzgjedhur për të vazhduar studimet në këto Universitete. Të gjitha këto përzgjedhje janë bërë në bazë të dokumentave që studentët kanë dorëzuar në konsullatat përkatëse, në bazë të qytetit në të cilin ndodhen brenda 20 majit të këtij viti. Ç’ka do të thotë që këto ditë, pas marrjes së këtij informacioni Konsulltat në Tiranë, Shkodër dhe Vlorë do të fillojnë të publikojnë listat e kandidatëve të pranuar si dhe gjithë informacionin e nevojshëm që duhet për të vazhduar “garën” për dhënien e intervistës, deri në mbërritjen në Itali. Për ccdo kandidat, pavarësisht Universitetit që kanë përzgjedhur, të gjithë pas mbërritjes në Iitali do t’i nënshtrohen provimit të gjuhës italiane para fillimit të vitit akademik. Ky fakt është i detyrueshëm për të gjithë dhe e gjithë kjo procedurë do të përfundojë para 4 shtatorit, datë në të cilën starton dhe dhënia e provimeve, në bazë të degës që keni zgjedhur për të studiuar.

Procedura

Pas dhënies së intervistës në konsullatën italiane, nëse jeni një ndër kandidatët e përzgjedhur fitues do t’ju jepët një vizë për të hyrë në Itali, falë të cilës, pasi të ndodheni në vendin fqinjë do të kërkoni një lejë qëndrimi (permesso di soggiorno), e cila zakonisht është e vlefshmë deri në dhjetor, nëse nuk e keni marrë provimin e gjuhës italiane. Vetëm nëse kaloni provën e gjuhës dhe rregjistroheni në Universitetin që keni përzgjedhur do t'ju jepet e drejta e fitimit të lejes së qëndrimit njëvjeçare, për motive studimi.

Statistikat

Studentët shqiptarë zënë vendin e parë të studentëve të huaj, që studjojnë në Universitetet italiane. Kjo është bërë e ditur në bazë të një studimi të fundit të Karitasit, për vitin 2004-2005, ku ka rezultuar se në Universitetet italiane kanë qenë të regjistruar 35 mijë studentë të huaj, 2 për qind i gjithë totalit të studentëve në Itali. Në bazë të këtyre të dhënave Shqipëria, Greqia dhe Kroacia kanë pasur numrin më të lartë të studentëve të huaj që studiojnë në Universitetet Italiane dhe Shqipëria renditetet e para: pas këtyre studentëve vijnë studentët e vendeve të tjera europiane