Intervistë me Sonin NRG

Çfarë ju kujton numri 11?

Më kujton 11 Janarin, festën e Republikës Socialiste të Shqipërisë, aq shumë e festuar në ato kohë, saqë sot, as ti nuk e mban mend.

Ju ka ndodhur të pini një kafe për 11 minuta?

Të pish një kafe për 11 minuta do të thotë të jesh dembel, sepse vetëm ata e shikojnë orën vazhdimisht.

Në këto momente, çfarë do të krahasonit me këtë numër?

Këmbët e drejta të një femre, duke ngjitur shkallët elektrike.


Ju kujton numri 11 ndonjë titull libri që keni lexuar?

Më kujton 11 histori të miat, të cilat mund të bëhen një libër.

Numri 11, a konsiderohet për ju numër fati?

Fati është enigmatik dhe i pamëshirshëm, në rastin më të keq. Në rastin më të mirë, dihet. Numrat janë tjetër gjë.

Çfarë mund të bëjë Soni për 11 minuta?

Mund të bëjë portretin e një personazhi të ftuar në “Zonë e lirë”.

Cili është për ju njëshi tjetër?

Unë dhe një avion që çohet në sytë e një femre. (Qesh)

E kishit menduar se ky numër mund të përdorej kaq shumë në një intervistë?

Ajo që kisha menduar, është se këtë nuk e kisha menduar.

A ju ka ardhur në majë të hundës kjo shifër?

Më fal Genc, por ta them pastaj…

Keni ndonjë kujtim të veçantë nga koha kur keni qenë 11 vjeç?

Shpërthime hormonale, Electric Blue…

Ku ju gjen zakonisht ora 11 paradite?

Gjithandej, duke lëvizur. E vetmja gjë që nuk lëviz është mendimi për atë gocën.

Po ora 11 e mbrëmjes?

Sipër asaj gocës…(Qesh)

Muaji i 11-të i vitit është nëntori. Çfarë ju kujton ky muaj?

Muajin e mjaltit të prindërve, që nuk e bënë kurrë.

Pa i numëruar, mendoni se i kemi kaluar 11 pyetje?

I kemi kaluar, sepse në tavolinë jemi katër veta, që do të thotë 1111.

Çfarë mendimi keni për këtë 11-minutësh?

Kam dy mendime. I pari është që u kënaqa shumë në këto 11 minuta dhe, i dyti, që do të kënaqen edhe ata që do të lexojnë intervisten time dhe këto 11 minuta.