Minogue zbulon lidhjen e re

Këngëtarja australiane Kylie Minogue, ka zbuluar se ka filluar një lidhje të re, duke thënë se "nuk është tërësisht e vetme".
Gjatë vitit të kaluar ajo dhe i dashuri i saj Oliver Martinez, i dhanë fund lidhjes së tyre afatgjate, por së fundi 39-vjeçarja ka zbuluar se ka filluar një lidhje tjetër. “Më pëlqen të dal dhe nuk jam tërësisht e vetme. Mos u shqetësoni për këtë”, ka thënë Minogue.

Kylie, e cila u shërua nga kanceri i gjirit gjatë vitit 2006, është e bindur se do të gjejë personin e vërtetë, por thotë se nuk është duke e kërkuar.

“Viti ka kaluar vërtet shpejt për mua, pasi që u shërova dhe vetëm po përpiqem të jem sa më e shëndetshme. Andaj edhe nuk kam pasur shumë kohë të ulem dhe të mendoj, ‘ku është personi i vërtetë’? Jam e sigurt se ai është diku”.