Orinda Huta: Dua te qendroj larg medias

Të gjithë e kanë vënë re mungesën e këngëtares Orinda Huta si në skenë ashtu edhe në re vistat apo gazetat rozë të përjavshme që dalin në treg. E ndërsa ka kaluar shumë kohë nga pjesëmarrja e saj e fundit në një festival muzikor, zbulojmë se Orinda do të vijë sërish pranë publikut dhe fansave të saj. Teksa e kontakton Orindën nuk zbulon asgjë, vetëm bën të ditur se materiali i saj muzikor do të dalë në treg pas tre javësh. Vetë këngëtarja shprehet: “Nuk dua të zbuloj asgjë më shumë. Të gjithë do e shihni praninë time në ekran pas 3 javësh, me një produkt muzikor të cilin do e nxjerr në treg. Siç e keni vënë re i mungoj shtypit të shkruar prej kohësh dhe kjo është një zgjedhje e imja. Mendoj se kam bërë shumë mirë. Nuk dua të kem më kontakte me median. Kam rënë rehat”. Prania e fundit e Orindës në një kompeticion muzikor ka qenë ai i dy sezoneve më parë në “Kënga Magjike”. Pas kësaj këngëtarja preferoi të bënte paksa pushim, ndoshta për të ardhur së shpejti me një album.