Kristiano Ronaldo theu rekordin e Xhorxh Bestit

Futbollisti portugez, Kristiano Ronaldo me dy golat e shënuar ndaj Boltonit (2:0), ka arritur në kuotën e 33 golave në këtë edicion. Në këtë mënyrë Kristiano Ronaldo ka hyrë në historinë e klubit, pasi deri më tash rekordin e golave të shënuar në një edicion në të gjitha garat e ka mbajtur Xhorxh Best, i cili në vitin 1961 shënoi 32 gola.


Ndërkohë në renditjen e golashënuesve të Ligës Premiere, Kristiano Ronaldo tashmë ka tre gola më shumë se sa sulmuesi i Liverpulit, Fernando Torres. Goli i dytë i shënuar nga Ronaldo në duelin ndaj Boltonit ishte i shkëlqyeshëm nga goditja e lirë nga madje 30 metra. “Do të ishte mirë sikur goditjet e mia nga gjuajtjet e lira t’i quani raketa”, ka thënë i impresionuar pas ndeshjes Kristiano Ronaldo.