Electra: Nuk ngutem për martesë

Modelja e shndërruar në aktore, Carmen Electra, ka qeshur me spekulimet se ajo heziton të martohet me ish-kitaristin e grupit “Korn”, Rob Patterson, duke thënë se ajo dëshiron t’i merr gjërat më ngadalë.
Ylli i filmit, “Scary Movie”, është fejuar me rokerin gjatë festimit të ditëlindjes së saj të 36, në prill të këtij viti, ndërsa vazhdimisht është pyetur se kur do të jetë dita e madhe.
“Është interesante se të gjithë krijojnë kaq shumë presion duke më pyetur: ‘Kur do të martohesh?’ Nëse do të varej nga tjerët ne tanimë do të kishim qenë të martuar dhe do të ishim ndarë. Nuk po ngutemi dhe jemi të lumtur me këtë”, ka thënë Electra për People.com.