Kolazh me videoklip

Treshja, Veli Sahiti, Hekuran Krasniqi dhe Xhavit Avdyli, kanë realizuar një projekt të përbashkët, me ç’rast kanë kombinuar tre hite të tyre, për të bërë një këngë të përbashkët që mban titullin "Kolazh", njofton e përditshmja "Zëri".
Ajo që e bën të veçantë këtë bashkëpunim është se këngët e tyre këndohen nga njëri-tjetri, ndërkohë që këngës i është punuar edhe një videoklip i cili së shpejti pritet të lansohet nga programet televizive muzikore.

Në “Kolazh”, këngën e Veli Sahitit “Jam kthyer përsëri”, e këndon Hekurani, hitin e këtij të fundit “Me të zeza vesh” e këndon Xhavit Avdyli, ndërsa Veli Sahiti këndon këngën “Shko” të Xhavit Avdylit.