Matt Damon më në fund mashkulli më seksi

Pas aktorëve dhe miqve tw Damonit, Brad Pitt dhe George Clooney, i erdhi radha edhe atij. Revista People e ka shpallur Matt Damonin "mashkullin më seksi", mirëpo ai ka refuzuar të pranojë çmimin.
"Ju pikërisht i keni mbushur egon për pjesën tjetër të jetës një babai të vjetër nga periferia”, ka shkruar Matt Damon në letrën e adresuar tek revista People pasi që është zgjedhur si mashkulli më seksi i vitit.
Damon në fakt ka thënë që beson se nuk e meriton këtë çmim, në të cilën redaktorët e revistës janë përgjigjur që "një mirësjellje e tillë demonstron shumë arsye për të cilët pikërisht ai është përzgjedhur".
Sensi i parezistueshëm i humorit” që Damon posedon dhe “imazhi i një personi të besueshëm familjar” i kanë kontribuar fitores së tij.
Në mesin e fituesve të mëhershëm të këtij titulli që është ndarë për të 23-ten herë me radhë janë edhe miqtë e mirë të Damonit, George Clooney, Brad Pitt e Ben Affleck.