MSI paralajmëron laptopin për lojtarë GT725

Pasi që lojërat e reja kanë kërkesa çdo ditë e më të mëdha, MSI ka vendosur që të bëj diçka në lidhje me këtë dhe të paraqes laptopin, me emër kodues GT725, i cili pa probleme mund t’u bëj ballë lojërave më të reja kompjuterike.



Ky kompjuter është pajisur me ATI Mobility Radeon HD 4850 me 512 MB memorie, 4 GB memorie punuese, dimensione 395 x 278 x 26.5-35mm, 3.2 kilogramë peshë, me tastet e theksuara W, A, S, D, si dhe ekranin prej 17 inçësh.

Për procesor është përzgjedhur Intel Core 2 Duo (ndoshta kanë mundur të presin Quad Core), derisa për ruajtjen e të dhënave janë përcaktuar 320 GB. Me këtë kompjuter vjen edhe DVD Writer si dhe pajisja Blu-Ray, kamera prej dy megapiksela, pesë zmadhues, rrjet Wi-Fi dhe eSATA.

Çmimi i këtij laptopi nuk është bërë i njohur, por sigurisht nuk do të jetë aq i lirë, nëse merren parasysh çmimet fillestare të modeleve të mëhershme.