Madonna konfirmon vazhdimin e turneut

Mbretëresha e muzikës pop, Madonna, ka konfirmuar se ajo do të niset në rrugë për ta vazhduar turneun "Sticky & Sweet", i cili i solli fitime të mëdha gjatë vitit 2008.


Para disa ditësh ishte spekuluar se këngëtarja po finalizonte planet për një turne veror nëpër qytetet të cilat nuk i kishte vizituar gjatë turneut të kaluar, ndërsa tani vetë këngëtarja konfirmuar se do të kthehet në skenë me koncerte edhe gjatë vitit 2009.



“Fansa të Madonnës a jeni gati për më shumë? Jemi të lumtur të konfirmojmë që spekulimet janë të vërteta: Madonna ka vendosur ta vazhdojë turneun 'Sticky & Sweet'. Ajo do të udhëtojnë nëpër qytetet evropiane të cilat nuk i ka vizituar gjatë vitit 2008”, shkruan në faqen zyrtar të këngëtares.