Houston refuzon baladat

Ne-Yo, bashkëpunëtori i Whitney Houston, ka deklaruar se këngëtarja është e kënaqur që ka refuzuar të incizojë këngë të pikëlluara për albumin e saj të kthimit.


Houston nuk ka incizuar album që nga albumi i vitit 2003, “Just Whitney”, ndërsa aktualisht është duke punuar në realizimin e albumit të saj të ri, i cili pritet të dalë në treg gjatë këtij viti.

Këngëtari dhe kompozitori Ne-Yo i ka ndihmuar superyllit Houston që të përgatisë këngët për albumin e ri, ndërkohë është shprehur se këngëtarja nuk ka dëshiruar që në album të ketë balada, pasi që preferon të dalë nga jeta e saj e zymtë.